45 خبر

تاريخ النشر: 04.08.2025 | 10:50 GMT

فنانة مصرية ترد على انتقادات ظهورها بملابس جريئة

حرصت الفنانة المصرية منة فضالي على الرد على الانتقادات التي تواجهها بشأن ملابسها وأسلوب حياتها، وذلك عبر منشور في "إنستغرام".

إقرأ المزيد

فنان مصري مشهور يعلن طلاق زوجته بعد 6 سنوات

وجاء في منشور فضالي: "أوعى تصدق اللي تقولك صاحبتي وأختي وحبيبتي أو صاحبي وأخويا وحبيبي إلا لو كان بالفعل"، مشيرة إلى أن الأفعال أهم من الأقوال. وأضافت: "أصل الكلام ببلاش لكن الأفعال محتاجه مجهود، الفلوس حلوة وكل حاجة بس مش كل شيء، الفلوس لأنها مش بتشتري الصحة والأهل واللي ماتو وفارقونا، فيه حاجات كتير في حياتنا أهم من كل ده صاحبك دراعك حبيبي قرشي وأخويا صحتي ربنا ما يحوج حد لحد أبدًا".

وردًا على تساؤلات المتابعين حول سفرها المتكرر ومصدر دخلها، قالت فضالي: "هتقولولي بتقولي الكلام ده ليه دلوقتي وإنتِ كل شوية في بلد ومنين فلوس والجو النيلة ده؟ أقولكم الحمدلله أنا اشتغلت كتير جدًا جدًا وده رصيدي، يمكن حظي مش زي كل الناس بس أنا راضية والحمدلله باللي ربنا ادهولي".

كما دافعت عن نفسها ضد الانتقادات المتعلقة بملابسها، مؤكدة أن المظهر الخارجي لا يعكس بالضرورة القيم الدينية أو الأخلاقية، قائلة: "هتقولولي وإنتِ بتعرفي ربنا وإنتِ بتلبسي عريان؟ أقولكم اه، يمكن أنا عند ربنا أحسن من ناس كتير". وأضافت أنها تقوم بأعمال خيرية دون إعلان، موضحة: "يمكن بعمل خير كتير من غير إعلان لأن اللي بيعمل خير مش لازم يقول، دي حاجة بينك وبين ربنا بس".

واختتمت منة فضالي منشورها بتعليق على طبيعة العلاقات في الوقت الحالي، قائلة: "كفاية إني عمري ما أذيت حد في حياتي، بالعكس أنا دايمًا بتأذي، اللي عاوزة أقوله محدش يعتمد على حد ولا يصدق حد ولا يثق في حد في الزمن ده، النفوس وحشة أوي، علشان كده أنا دايمًا لوحدي أو مع أمي وكلابي وبس، لأن مفيش حد له أمان.. ربنا يحرس الجميع من شر نفوس الناس".

يأتي هذا المنشور في إطار ردود فعل الفنانة على الانتقادات المتكررة التي تتعرض لها على مواقع التواصل الاجتماعي، سواء فيما يتعلق باختياراتها الشخصية أو أسلوب حياتها.

المصدر: RT