وقال حسن شاكوش، في لايف عبر حسابه الشخصي بموقع إنستغرام: أسوأ معاملة في الدنيا في مطار تونس، بنقعد في المطار 6 ساعات والمفروض منظمين الحفلات يخلصوا الإجراءات دي كلها قبل ما نوصل.
وتابع حسن شاكوش: كنت آخر مرة أنا والنجم تامر حسني بنحيي فرح في تونس، والناس في المطار مبيضحكوش في وشك ده بيحسسوك أنك عامل جريمة وهتاخد حتة من البلد على كتافك وهتمشي، أنا هقعد في بلدي أحسن لي.
وأضاف: عمري ما رحت بلد إلا ولقيت الناس بتضحك في وشك، الشعب التونسي أنا بعشقه وكلهم على راسي، ولكن أسوأ معاملة للفنانين في مطار تونس، أنا في مرة كنت هتصل ببلدي علشان ياخدوني بسبب المعاملة.. أنا راجل فنان ولا ليا في شرب ولا في كأس، أنا جاي أحيي حفلة وماشي.
وواصل حسن شاكوش: في مطار تونس بيحسسوني إني مسجل خطر وهاخد حتة من البلد وهمشي، أنا مش هروح تونس تاني غير لما يحلوا مشكلة التعامل مع الفنانين في المطار.
المصدر: القاهرة 24