ومن المنشورات التي أثارت الجدل قوله: "أنا ضد الديمقراطية، لأنها تجبرك على الاستماع لآراء البهائم، لأن الأغلبية قطيع، ومش معنى إن عندك لسان يبقى تبقى تستخدمه إنك تقول رأيك، الرأي مش مربوط باللسان، الرأي مربوط بالعقل، فإنت لازم تكون مؤهل علشان تقول رأيك، ودي الأزمة، إن مواقع التواصل الاجتماعي خلت الناس تفتكر إن كلامها له لازمة"
ومنشور آخر قال فيه: "ماتتجوزش بدري، لأنه عادة بيعطل" و"قلل أصحاب، وزود معارف.. نصيحة ثقيلة بس صدقني اكتر ناس هتعطلك في الفترة دي هما أصحابك واشتغل 16 ساعة".
فانتقده عدد من رواد مواقع التواصل الاجتماعي فقالت سيدة: "صلاح ابو المجد Salah Abo Elmagd مش معنى انك اتمرمطت في شبابك واتبهدلت ومنعرفش مريت بايه انك تطبق ده عالناس وكفايه بقا جري ورا ترند وهبد انا جايباها من زمان اوي ومش عارفه انت تاريخك امتى وفين ومحدش يسمع كلامه بجد اتق الله في نفسيه الشباب مرضتنا".
وقال آخر: "وقع قصادي بوست الأستاذ صلاح أبو المجد الأخير بتاع اشتغل 16 ساعة ومتتجوزش بدري وخد كورسات وابعد عن اصحابك وروح الجيم لأنه أهم من الأكل والشرب: أنا من عائلة بسيطة جدا؛ اتعلمت في مدارس حكومية وجامعات حكومية وعندي أصحاب من سنة أولى ابتدائي لحد دلوقتي واتجوزت بدري وعمري ما اشتغلت اكثر من 8 ساعات".
وتابع: "من طريقة كلام استاذ أبو المجد هو بيقيس كل حاجة بالكورسات والفلوس: فلو استخدمت نفس طريقة قياسه: انا خدت كورسات في اكبر جامعات في العالم؛ واعتقد أن عندي فلوس أكثر منه عملتهم في 8 ساعات شغل بس وبلبس أحسن منه وسافرت أكتر منه. بس في نفس الوقت حواليا ناس كتير بحبهم ويحبوني وبنتي بقت طولى وابني قرب يحصلني والصغيرة بتدلعني ومستني عيل رابع وان شاء الله خامس وسادس كمان".
وقال،"أنا حاسس إن الأستاذ صلاح من كتر ما فشل في حياته اللي عايش فيها وحيد وتعيس وفاشل بيستخدم آلية دفاعية ودماغه الخربانة بتقول له إن اللي عاشه هو الصح!المكسب الوحيد اللي في الحياة دي هو أن يكون عندك ناس بتحبهم ويحبوك.. أهل وأصحاب يكونوا جنبك وقت الفرح والحزن ويراعوك وياخدوا بالهم منك في الوقت اللي النجاح في الحياة العملية بيكون مساوي للفشل.. والاتنين ملهمش أيّ لزمة.
من هو صلاح أبو المجد؟
تخرج في كلية الحقوق قسم اللغة الإنجليزية.
- حصل على الماجستير في القانون الدولي من جامعة عين شمس.
- ماجستير في قوانين التجارة الدولية من جامعة بوردو بولاية «إنديانا» الأمريكية.
- بدأ رحلته منذ سنوات كمحاضر في مجال الاقتصاد.
- قدم عبر وسائل التواصل الاجتماعي أفكارًا جديدة ومبتكرة في مجال المبيعات والتسويق جذبت آلاف المتابعين.
المصدر: مصر تايمز