الداخلية المصرية تهدي الأمهات المصريات قصيدتين شعريتين
تحتفل عدة بلدان عربية، في 21 مارس/آذار من كل عام، بعيد الأم أو يوم الأم، ويتزامن هذا التاريخ مع أول أيام فصل الربيع، ليكون رمزا للتفتح والصفاء والمشاعر الجميلة.
وبهذه المناسبة، أهدى قطاع الإعلام والعلاقات بوزارة الداخلية، الأم المصرية قصيدة شعرية، وفيما يلي نص القصيدة:
"جاني تاني وجابلي وردة
كان فاكرني هاخدها وأرضى
قاللي جايلك من هناك
أحكي عن كل اللي فات
قال يا أمي
أوعي يوم تفتكري إني
راح أسيبك
مين حبيبك
لو ما ضحى عشان عيونك
لو ما كان بالروح يصونك
لجل ترضي يكون حبيبك
الحكاية..
الوطن نادى يا أمي
كنت أسيبه؟..
لو يضيع الحق منُّه.. مين يجيبه
غير ولاده..
صدقيني..
إن حضن الأرض لما
بين إيديه ياخد شهيد
راح يلاقي نفس حضنك
أنتِ أمي
والبلاد الغالية أمي
أوعي مرّة فيوم تخافي
حضن أرض بلادي برضه
حضن دافي
حضن دافي".
كما أهدى قطاع الإعلام والعلاقات بوزارة الداخلية أمهات الشهداء الأبرار قصيدة شعرية، بمناسبة الاحتفال بعيد الأم أيضا، وفيما يلى نصها:
"يا أمّي ليه يوم تحزني
والجنة لسه فانتظار متزينة
إللي على إيديه النهار جه أرضنا
يا أم الشهيد
إبنك بطل.. بالتضحية
ولولاه ما كانت أغنية
للانتصار
الجنة لسة فـ انتظار
طلع النهار
كان البطل ابنك هناك
سابق بروحه خطوته
أفديك بروحى يا وطن
أفديك ومن دمّى التمن
الجنة لسة فـ انتظار متزينة
يـ أمى
قولي للى جايلك من صحابي
واللي جايلك من زمايلي
إنى أجمل حاجه انتي
يا مصر
روحي فيكي فين ماكنتي
إنتي جنة أرض ربي
يا أمي أوعى تحزني
الشهادة هي جنة للشهيد
يوم شهادتي يبقى عيد
إسألينى راح تلاقى قلبي من جوه سعيد
يبقى ليه يـ أمي حزنك
جنة فاتحة حضنها من بعد حضنك
يا أمي أوعي تحزني
يا أمي أوعي تحزني".
المصدر: الشروق المصرية
فادية سنداسني
